Annonse
En notis fra Universitetet i Agder - les mer.
Ny bok set etiske konfliktar under debatt
Ytringsfridom, fleirgifte, 22. juli, fengselssjukepleie og barnevern er blant temaa som vert drøfta i boka. Redaktørane ønskjer debatt om etiske verdikonfliktar.
– Vi vil at boka inspirerer lesaren til etisk refleksjon og samtale, og gjerne i det offentlege rom. Derfor kan også alle som vil, laste ned boka gratis, seier Terje Emil Fredwall.
Han er førsteamanuensis ved Universitetet i Agder (UiA), og saman med UiA-professor Odin Lysaker har han redigert boka Verdier i konflikt. Etikk i et mangfoldig samfunn som vart lansert i mai.
Boka inneheld 12 artiklar, signert 12 forskarar frå ulike fagområde og fagtradisjonar som samfunnsfag, sosialt arbeid, psykisk helsearbeid, diakoni, teologi, religion, filosofi og etikk.
– Etisk mangfald rår i det moderne Noreg. Folk trur og meiner ulikt, og vi tar ulike val om etiske verdiar. I eit samfunn med mange ulike verdiar må vi møte andre perspektiv på ein respektfull og nysgjerrig måte, seier Lysaker.
Redaktørane peiker på globalisering og teknologisk utvikling som typiske trekk ved dagens samfunn. Personlege verdiar kan stå mot samfunnsverdiane, og verdiar og levemåtar hos minoriteten og majoriteten i samfunnet kan støyte mot einannan.
– I boka går vi inn i ei fleire område der verdiar til individ, grupper eller institusjonar står mot einannan. Også i arbeidslivet kan verdiar i ulike yrke og fagtradisjonar utfordre einannan om det som er det gode liv, seier Fredwall.
Les meir om boka på heimesidane til UiA
Les også disse artiklene fra Universitetet i Agder:
-
Halvparten av norske barn sover for lite. Forskerne tror de vet hvorfor
-
– Vi må tenke nytt om kva som er trygt når det gjeld foreldras alkoholbruk
-
Allerede nå forbereder disse plantene neste vår
-
Forsker lot plenen bli blomstereng – oppdaget flere nye arter
-
Barn som spiser usunn snacks er mer urolige. – Vi er nødt til å snakke mer om det, sier professor
-
Dette kan avgjere norsk VM-suksess
