I år var det svært lite havis å forske på i denne fjorden

Årets feltarbeid for overvaking av havis i Kongsfjorden ved Ny-Ålesund er no avslutta. 

Undersøkingane vart gjennomførte i ein sesong med svært lite havis. Den var kun å finne i dei inste områda av fjorden. 

Mildver og regn førte til snøfrie og svært glatte isoverflater der isen framleis låg att.

– Dette året fell tydeleg inn i kategorien med svært lite havis i Kongsfjorden, seier havisforskar Sebastian Gerland ved Norsk Polarinstitutt. 

Han kom nyleg heim frå årets feltarbeid i fjorden. 

Klimaendringer påverkar fjordsystema på Svalbard 

Forskarane har målt istjukkleik og samla inn iskjerner. 

Seinare analyser vil gje innsikt i dei fysiske, kjemiske og biologiske eigenskapane til isen. 

Slike målingar er viktige for å forstå korleis klimaendringar påverkar fjordsystema på Svalbard.

År med lite havis vorte langt vanlegare enn før

Kongsfjorden har stor betydning som forskingsområde. 

Fjorden ligg i overgangen mellom kaldt arktisk klima og varmare atlantiske vassmassar. 

Variasjonane i havisdekket her gir difor tidlege indikatorar på klimaendringar i Arktis. Ifølgje Gerland har år med lite havis vorte langt vanlegare enn før.

– Sjølv om vi av og til óg ser år med meir havis, er det no åra med lite is som dominerer. Dette har i aukande grad vorte den nye normalen, seier han.

Naturlege variasjonar versus klimaendringar

Under årets feltarbeid, med base ved Ny-Ålesund forskingsstasjon, observerte forskarane både havisflak og små isfjell i inste delar av fjorden. 

I Raudvika, heilt inst i Kongsfjorden, låg det framleis fastis, men også her var snødekket i stor grad borte, eller omdanna til is.

Resultata vil inngå i langsiktige dataseriar som blir brukte til å dokumentere utviklinga i Arktis over tid. 

Slike tidsseriar er avgjerande for å kunne skilje mellom naturlege variasjonar og langsiktige klimaendringar.

Kongsfjorden, Svalbard

• Kongsfjorden ligg på nordvestlege Spitsbergen.
• Fjorden er ein av dei best studerte fjordane i Arktis og eit viktig referanseområde for klimaforsking.
• Ny-Ålesund ligg ved breidda av fjorden og er ein av verdas nordlegaste forskingsstasjonar.
• Området ligg i overgangen mellom kaldt arktisk vatn og varmare atlantisk vatn, noko som gir store årlege variasjonar.
• Kongsfjorden har brefrontar innerst i fjorden, mellom anna Kongsbreen og Kronebreen.
• Havis og fastis har tidlegare vore vanleg om vinteren, men har dei siste åra blitt stadig meir sjeldan.
• Fjorden er rik på dyreliv, med isbjørn, sel, kval, sjøfugl og eit mangfald av marine artar.
• Området er verna gjennom Svalbard miljøvern og blir brukt til forsking framfor næringsverksemd.

Artikkelen er produsert og finansiert av Norsk Polarinstitutt

Norsk Polarinstitutt er én av over 80 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff.
Her kan du lese mer om ordningen.

Fikk du med deg disse artiklene fra Norsk Polarinsitutt?

• 

  Disse rypene er viktige for forskerne

• 

  Skjulte iskanaler kan øke smeltingen i Antarktis

• 

  Mildvær skapte trøbbel for forskere

• 

  Ny, stor oversikt over Polhavets minste organismer

• 

  Mildvær setter viktig forskning på vent

• 

  Grønlandshvaler kopierer paringssang fra storkobbe

Les flere saker fra Norsk Polarinstitutt her.

forskning.no vil gjerne høre fra deg!
Har du en tilbakemelding, spørsmål, ros eller kritikk? TA KONTAKT HER