Har du fått med deg forskinga som viste at 12-åringar som trena tradisjonell intervalltrening over ein periode på åtte veker, ikkje forbetra kondisjonen meir enn dei som leika?

Da studien til forskar Halvard Grendstad blei kjent i haust, fekk den mykje merksemd på nih.no, forskning.no og i mellom anna Aftenposten.

Østberg Amundsen: – Viktig å behalde leiken

Mange i idrettsmiljøet kommenterte at dei blei glade for å sjå at forsking viste at ein trygt kunne bevare leiken lengre i barne- ungdomsidretten.

Landslagsløparane i langrenn blei også engasjerte.

Mellom anna verdscupleiar og årets Tour de ski-vinnar, Harald Østberg Amundsen.

– Det er noko med å behalde leiken i idretten. Så lenge ein er i aktivitet, blir ein betre trent. Om du begynner med intervalltrening når du er tolv, og gjer det to gonger i veka, kan du brenne lyset litt fort, sa han til Aftenposten.

– Funna våre tyder på at effekten av puberteten er større på kondisjonen enn det som kan gjerast gjennom trening i denne perioden, seier Grendstad.

Skremmande med profesjonalisering

Sjølv om han har forska på langrennsløparar, meiner han funna kan brukast generelt i dei fleste idrettar.

For eksempel meiner han at unge fotballspelarar ikkje treng å ha reine løpsøkter i tillegg til fotballtrening.

– Typisk kondisjonstrening kan vente. Me må ha fokus på idrettsspesifikk trening og motorisk trening i den alderen. Ny forsking støttar dette, seier Grendstad.

Mangeåring langrennstrenar Håkon Stuge Bånerud er nå trenar og sportsleiar i Lyn Ski. 

Gjennom trenararbeid i klubbar som Heming, Koll og på NTG Lillehammer har han reflektert rundt at barne- og ungdomsidretten har blitt for tidleg profesjonalisert.

– Eg synest det er litt skremmande at ein ting skal vere altoppslukande i tidleg alder. Ta fotballen som eit eksempel. Inntrykket mitt er at mange trur og meiner at ein må trene fotball kvar dag heile året i ein alder av 12-13 år for å bli verdas beste på sikt. Eg tenkjer at allsidig trening er viktig, og at ein skal kunne drive fleire idrettar i den alderen.

Han trur vektlegging av leik og mindre hardtrening i ung alder, kan ha noko å seie for fråfallet.

– Det å rette langrennstreningar enda meir spesifikt mot å ha det gøy og oppleve meistring ville jo vore veldig ideelt.

Høyr meir om korleis funna kan overførast til andre idrettar, profesjonalisering og korleis Bånerud meiner skisporten kan lære av funna til Grendstad i NIH-podden.

Artikkelen er produsert og finansiert av Norges idrettshøgskole

Norges idrettshøgskole er én av over 80 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff.
Her kan du lese mer om ordningen.

Les også disse sakene fra Norges idrettshøgskole:

• 

  No tek forskarane tursekken inn i laboratoriet for første gong

• 

  Anders Aukland gjev deg grepet som fører til framgang i skisporet

• 

  Får du ikkje framgang på treningssenteret? Dette anbefalar ekspertane

• 

  Studentar vil logge av mobilen på tur

• 

  Byttet fra p-pille til minipille – da løftet verdensmesteren mer

• 

  Ny forsking om korsbandsskadar: Tung trening gir betre resultat

Se flere saker fra Norges idrettshøgskole her.

forskning.no vil gjerne høre fra deg!
Har du en tilbakemelding, spørsmål, ros eller kritikk? TA KONTAKT HER