Denne artikkelen er produsert og finansiert av Universitetet i Oslo - les mer.
Lærarane føler seg mindre verdsett av samfunnet
Tre av fire lærarar føler seg verdset av elevar og foreldre, men berre 18 prosent meiner at lærarprofesjonen er verdset i samfunnet.
Lærarane opplever arbeidet sitt som meiningsfullt, viser ei ny undersøking.
(Illustrasjonsfoto: Shane Colvin / UiO)
Norsk skule er framleis prega av positive
relasjonar, samarbeid og autonomi.
Men både lærarar og
rektorar melder om meir stress.
Det kan vi lese av dei ferske talla frå TALIS24. Dette er ein internasjonal studie av undervisning og læring. Forskarar studerer arbeidskvardagen til lærarar og rektorar på ungdomsskuletrinnet.
Færre enn tidlegare seier at meiningane deira blir lytta til av leiarane, og at dei i mindre grad kan påverke utdanningspolitikken.
‒ Berre 18 prosent av lærarane meiner at lærarprofesjonen er verdset i samfunnet, seier Mark White.
Han er prosjektleiar for den norske delen av TALIS og forskar ved Institutt for lærarutdanning og skuleforsking (ILS).
Fråværet blant lærarar aukar
Tre av fire lærarar føler seg verdset av
elevar og foreldre, viser undersøkinga.
På spørsmål om lærarane er tilfreds med jobben sin, skil
forskarane mellom å være nøgd med sin noverande jobb og med læraryrket
generelt.
‒ Fleirtalet av dei som svarte på TALIS24 er nøgd med jobben sin. Men vi ser ein tydeleg nedgang i
tilfredsheita med læraryrket. Samtidig aukar fråværet blant lærarane, som kan
auke stresset blant lærarar, seier White.
Lærarar og rektorar rapporterer meir
stress og negative helseeffekter. Rektorane melder óg auka lærarfråvær, og
peikar på det å ta over oppgåvene til fråverande lærarar som ei viktig
stresskjelde.
‒ Om stress gir fråvær, og fråvær gir meir
stress, kan ein vond sirkel oppstå, seier White.
Set høgare krav til læraren
Frå 2018 til 2024 har delen elevar som
strevar med norsk, er fagleg svake eller har andre spesielle behov eller
åtferdsvanskar, auka, skriv forskarane i rapporten.
‒ Lærarsvara avdekker ei stor endring i
elevgruppa i Noreg. Klasseromma er fagleg og kulturelt meir
samansette enn før, seier White.
Fleire klassar krev no meir av lærarane i
tilpassa undervisning, seier White.
‒ Slik sett har Noreg vorte likare dei
andre TALIS-landa. Historisk har Noreg vore mindre mangfaldig og heterogent enn
andre land, seier forskaren.
Lærarutdanninga held god kvalitet
Nyutdanna lærarar opplever høgare kvalitet
i lærarutdanninga og får meir oppfølging i skulen. TALIS24 visar også at
nyutdanna blir følgt opp betre enn 2018.
Les heile rapporten på TALIS` nettsider.
Kort fortalt om TALIS
- Teaching and Learning
International Survey (TALIS) er ein internasjonal OECD-studie av undervisning
og læring, som undersøkjer yrkeskvardagen til lærarar og skuleleiarar.
- Studien blir gjerne kalla
lærarane og rektorane si undersøking.
- Undersøkinga skal gje innsikt
i viktige aspekt som kjenneteiknar arbeidsforholda til lærarar og skuleleiarar
i 55 deltakarland.
- Tema i den siste versjonen av
undersøkinga var mellom anna lærarane og skuleleiarane sin utdanningsbakgrunn
og yrkeserfaring, tilfredsheit med jobben, statusen til lærarar og bruk av
digitale ressursar, inkludert kunstig intelligens.
- Studien vart gjennomført for fjerde
gong i 2024. Seinare i år kjem tala for tilsette i barnehagen.
Les også disse sakene fra Universitetet i Oslo:
forskning.no vil gjerne høre fra deg!
Har du en tilbakemelding, spørsmål, ros eller kritikk? TA KONTAKT HER
