– Vi kjem til å gjere feil, sjølv om vi har dei beste intensjonane. Men det betyr ikkje at vi skal la vere å følgje med på utviklinga.

Det seier professor Morten Goodwin ved Universitetet i Agder. 

For å illustrere poenget trekkjer han ein parallell til røntgenapparatets tidlege dagar. Då røntgen først dukka opp i byrjinga av 1900-talet, vart det brukt i skobutikkar for å sjekke om sko passa.

– Det verka praktisk, men røntgen har bieffektar som ein ikkje visste om den gong. Det same kan skje med kunstig intelligens. Vi kjenner ikkje alltid konsekvensane av teknologien vi bruker, seier Goodwin. 

– Bør vere med å styre utviklinga

Goodwin tar opp eit forslag frå SV om å forby bruk av nye kommersielle verktøy for kunstig intelligens (KI) i offentleg sektor (digi.no).

– Vi må ikkje berre vere tilskodarar, men aktive deltakarar i KI-racet. Vi må vere med å styre utviklinga i staden for å vente og gi teknologiselskapa forspranget. Dette gjeld både i offentleg og privat sektor, seier Goodwin.

Han peikar på at det også er eit tryggingsspørsmål. Om offentleg sektor er med å styre korleis KI blir brukt, vil det gjere oss mindre avhengige av amerikanske teknologifirma som OpenAI og Microsoft, meiner professoren.

Som å stikke hovudet i sanden

KI kan bli misbrukt på mange måtar. Det inkluderer forsterking av fordommar mot kjønn eller etnisitet, autonome våpen og deepfakes som kan etterlikne utsjånaden og stemma til folk. 

– Eg forstår argumenta frå dei som er skeptiske. Men å stoppe bruk eller forsking på KI vil vere som å stikke hovudet i sanden, seier Goodwin.

Høyr meir frå Morten Goodwin og kollega Maren Thormodsæter Lyngroth om KI i podcast-episoden her:

Artikkelen er produsert og finansiert av Universitetet i Agder

Universitetet i Agder er én av over 80 eiere av forskning.no. Deres kommunikasjonsansatte leverer innhold til forskning.no. Vi merker dette innholdet for å tydelig skille formidling fra uavhengig redaksjonelt stoff.
Her kan du lese mer om ordningen.

Les også disse artiklene fra Universitetet i Agder:

• 

  Utrygg økonomi kan presse folk ut av arbeidslivet

• 

  Over 100 småsalamandere tråkket flate på parkeringsplass

• 

  Sang kan gjøre hverdagen bedre for familier som lever med demens

• 

  6G på vei: Forskere bidrar til raskere og bedre mobil kommunikasjon

• 

  Eldre kan trygt trene roligere med like godt resultat

• 

  Slik forvandlar Jon Fosse angst til litterær kunst

Les flere artikler fra Universitetet i Agder her.

forskning.no vil gjerne høre fra deg!
Har du en tilbakemelding, spørsmål, ros eller kritikk? TA KONTAKT HER