Faretruande tynne eggeskal for ismåken
Miljøgifter har gitt ismåken så skjøre egg at det truar bestanden. – Dette er svært urovekkjande, seier ein av forskarane bak studien.
Denne artikkelen er over ti år gammel og kan inneholde utdatert informasjon.
Ismåken er ein sjeldan arktisk sjøfugl som held til i isfylte farvatn heile året. Det finst ikkje meir enn 11500 hekkande par av arten på verdsbasis, og den raudlista arten har gått dramatisk tilbake i deler av leveområda sine dei siste 20 åra.
No har norske og russiske forskarar funne at ismåkens egg har heile 17 prosent tynnare skal enn egg som har vore lagra sidan før 1930. Dette skriv NTNUs forskingsmagasin Gemini i desemberutgåva.
Studien er publisert i tidskriftet Science of the total environment.
Ismåkestudiane er utført av Norsk Polarinstitutt i samarbeid med NTNU og russiske institusjonar.
_____________________
