Med EU-midlar og eit nybygd heliummikroskop skal professor i nanofysikk Bodil Holst og forskingsgruppa hennar sjå noko som ingen før har sett, skriver På Høyden.

– Dette EU-prosjektet er resultatet av forsking eg har arbeidd med i mange år, seier Bodil Holst. Ho er professor i nanofysikk ved Institutt for fysikk og teknologi og leiar av eit nytt EU-prosjekt som startar 1. mars.

I prosjektet skal forskingsgruppa utvikle og teste ein ny måte å sjå på dei aller minste strukturane på.