Norske museum kan lære av universitetsmusea, mener direktøren ved Vitenskapsmuseet. Han ønskjer meir samarbeid om forsking, melder Forskerforum.

– Universitetsmusea sit på kunnskap og erfaring som bør kome dei andre musea til nytte. Det er på tide å styrke kontakten mellom universitetsmusea og dei andre musea i Noreg, seier Axel Christophersen, direktør ved NTNU Vitenskapsmuseet.

Christophersen vart nyleg vald inn i styret i Norges museumsforbund, og er glødande oppteken av at fleire museum må satse på forsking.

– Universitetsmusea profilerer seg som kunnskapsproduserande museum. Men forsking og kunnskapsutvikling har dårlege vilkår ved dei fleste andre musea. Etter mitt syn må likevel all formidling ved musea vere forankra i ein forskingspraksis, seier han.

Les hele saken på forskerforum.no