Forskingsrådet skipa nyleg til midtvegskonferanse for programmet Samisk forsking II (2007-2017). I programstyret sitt framlegg til eigenevaluering kom det fram at dei stort sett var godt nøgde med måloppnåinga så langt, men dei var bekymra for det låge talet på forskingsprosjekt/stipendiatar som nytta samisk som fagspråk.

Samstundes var dei opptekne av den utfordringa det er å sameine ønsket om auka bruk av samisk som fagspråk og ønsket om auka internasjonalisering.