Kva ved mennesket er biologisk, og kva heng saman med kultur? Dette er eit spørsmål som skal heve danningsnivået blant studentar ved Universitetet i Bergen denne våren.

Som det første i Noreg har Universitetet i Bergen (UiB) starta opp såkalla danningstema. UiB har til formål å utvikle studentane si evne til å debattere og tenkje kritisk.

– Heile prosjektet er bygd opp rundt ideen om den informerte borgaren. Vi ønskjer å trene opp studentane til å ta på seg borgaransvar gjennom å tenkje kritisk og sjølvstendig rundt konkrete samfunnsspørsmål. Vi har invitert inn engasjerte forelesarar for å diskutere nokre overordna spørsmål. Ved å trekkje inn ulike fagtradisjonar får vi avdekt forskjellar og samsvar i oppfatningar og eventuelle reelle usemjer, seier forskar Kristine Bærøe, som har ansvar for å sy saman temapakkane.

Ho fortel at interessa for desse tema har vore gledeleg, både blant studentar og tilsette.

Les heile saka i Bladet Forskning

Bilde: Danningsutvalet – her ved Anders Lindseth (f.v.), Odd Einar Dørum, Inga Bostad, Lars Løvlie og Bernt Hagtvet – har fått i gang ein debatt om korleis ein kan få inn danningsperspektivet i høgare utdanning. ( Foto: Jon-Are Berg-Jacobsen)