Dag Jørund Lønning, rektor ved Høgskulen for landbruk og bygdeutvikling (HLB) på Jæren, vart onsdag 4. desember utnemnt til «Professor i nyskaping og bygdeutvikling», skriv HLB på eigne nettsider.

Lønning er dermed Noregs første professor innan bygdeutviklingsfeltet.

Lønning har vore aktiv innan norsk og internasjonal FoU på nyskaping og lokalsamfunnsutvikling i mange år. Han har skrive 10 bøker og meir enn 30 forskingsartiklar og rapportar. 

Høgskulen for landbruk og bygdeutvikling tilbyr i dag, som einaste norske høgare utdanningsinstitusjon, bachelorutdanning i bygdeutvikling. Denne utdanninga er tilgjengeleg via lokale studiesenter over heile landet. HLB arbeider også med planar om ein master innanfor lokalsamfunns- og bygdeutvikling.