Årets Forskingsdagar handlar mellom anna om forskarane sine verktøy og om formidlinga av desse. Reagensrør, kvite frakkar og lange foredrag?  Nei, superdatamaskiner, nanoteknologi og Forskar-Grand Prix.

24. september opna forskingsminister Tora Aasland Forskingsdagane 2010 på Festplassen i Bergen. Det var innleiinga til ti dagar med minst 1000 ulike arrangement over heile landet. For å nå målgruppene har mange av arrangementa fjerna seg langt frå forskarane si tradisjonelle presentasjonsform – foredraget. Store og små får oppleve demonstrasjonar, foredrag, utstillingar og debattar, omvisningar og torg-, kultur- og interaktive evenement. Dei aller fleste er gratis.

Verktøy for forskinga
Med Verktøy for forskinga som årets overordna tema vil Forskingsdagane leggje til rette for to ting:

For det første er det ei samlande overbygning for festivalen som alle fagmiljø og alle typar institusjonar og organisasjonar kan relatere seg til.

For det andre vil det vere å setje søkelyset på den nasjonale satsinga på infrastruktur.

Forskingsresultata og all anna formidling er ikkje mindre viktig i år, men temaet opnar i tillegg for å fortelje morosame og spennande historier om heile forskinga sitt vesen, som til dømes verktøy brukt til ein ting, som viser seg å vere nyttig for noko heilt anna, eller utradisjonelle samarbeid på tvers av fag.

Les heile saka på forskingsradet.no