Forskarar veit lite om leppefiskøkologi og kvifor manetinvasjonar skjer. Elevar frå ein ungdomsskole i Bergen skal samarbeide med forskarar frå Havforskingsinstituttet for å finne svar.

Prosjektet er ein del av ein pilotstudie der fagdidaktikarar i naturfag og matematikk frå Senter for utdanningsforsking ved HiB og UiB er involverte.

– Vi vil studere læringsprosessar der elevar og forskarar deltek i utforskande samarbeid. Elevane skal lære matematikk og naturfag – og dei skal lære om å forske, seier professor Marit Johnsen-Høines, leiar av ressursgruppa på Høgskolen i Bergen.