Har kapitalen eit kvelande grep om forskinga i Noreg? Akademia-avtalen ved UiB var bakteppet då Studentersamfunnet arrangerte debatt, skriv På Høyden.

– Vi står overfor enormt store miljøproblem. Vi må ha alternative energikilder, og det får vi ikkje over natta, sa preses i Det Norske Videnskaps-Akademi, Nils Chr. Stenseth, under debatten på Det akademiske kvarter torsdag.

Akademiet er tungt finansiert av Statoil, som for tida betaler 20 millionar kroner til organisasjonen årleg gjennom Vista-programmet. Pengane skal finansiere petroleumsrelatert grunnforsking, og eit av måla for sponsinga er å sørge for effektiv kommunikasjon for oljeselskapet inn mot norsk grunnforsking.

– Eg synest ikkje det er så viktig kor pengane kjem frå. Det er vilkåra som er viktige. Vi må ha legitimitet for den verksemda vi driv, meiner Stenseth.