Olav Sigurd Kjesbu er tilsett som direktør ved Hjortsenteret for marin økosystemdynamikk, skriv Havforskingsinstituttet.

Kjesbu er dr. scient. frå Universitetet i Bergen  og har vore tilsett ved Havforskingsinstituttet sidan 1988. Han er også professor II ved Universitetet i Oslo knytt til CEES og prosjektet NorMER (Nordic Centre for Research on Marine Ecosystems and Resources under Climate Change).

Hjortsenteret er eit fagleg samarbeid mellom Universitetet i Bergen, Uni Research, Nansensenteret og Havforskingsinstituttet. Dette senteret skal studere dei store dynamikken i dei store økosystema og har teke mål av seg til å bli det leiande miljøet for slik forsking.

Kjesbu leiar i dag Havforskingsinstituttet si forskingsgruppe Bunnfisk, ein rolle han også skal ha ei tid framover i tillegg til å vere direktør for Hjortsenteret.