Korleis styrke den vitskaplege publiseringa ved norske museum? Tilsette saknar tiltak.

Ifølgje Kari Telste, forskingskoordinator ved Norsk Folkemuseum, har dei vitskapleg tilsette ved museet rett og plikt til 30 prosent forskingstid.

– Både i museumsmeldinga og i skriv frå Kulturdepartementet står det mange fine ord om kor viktig det er med forsking, og i den årlege innrapporteringa skal vi gje opp kva vi har gjort på forskingsområdet. Men Kulturdepartementet stiller ingen krav, og eg saknar konkrete tiltak for å stimulere til forsking og produksjon av vitskaplege artiklar, seier Telste.