Norsk sjukepleiarforbund i Møre og Romsdal delte tysdag formiddag ut den tradisjonsrike prisen Årets sjukepleiar, som for 2023 går til vår eigne Thea Beate Breivik.
I grunngivinga for utmerkinga heiter det: «Som forskar stiller Thea opp lokalt og nasjonalt med kunnskapen sin i sjukepleiefaget. Ho viser kor stort spekter og potensial ein har som sjukepleiar, og vegen ein kan gå også innanfor akademia. Thea er primus motor i å leggja fram helselogistikk, teknologi og innovasjon i sjukepleie. Ho deler raust av forskinga si på livmorhalskreft og er genuint oppteken av kvinnehelse. Thea er ein raus person som set kollegaer og studentar i fokus og er oppteken at dei skal ha rom til å få utvikla seg. Thea har stort fokus på etikk og at ein overheld høge standardar innanfor akademia.»
Du kan lese meir om saka på Panorama