Universitetsbiblioteket disponerer tusenvis av elektroniske kjelder, men det er ikkje alltid så lett å vite korleis ein skal finne det ein leitar etter. No skal søketenesta Primo gjere det enklare.

– Primo tilbyr søk i vitskaplege artiklar og e-bøker, der ein søker i fulltekst og har gode moglegheiter for å avgrense søk ved å legge inn ulike filter som dato, kjelde, emneord og liknande. På den måten kan ein gjere spesialiserte søk og få meir relevante treff, seier hovudbibliotekar Tone Christine Bøgh.